لأجل تشوف حنيني:
غلاك يسري مسرى الدم في شرايني
لاتظن غيم ولا مزن مروره كان عابر
مديت لك طريق يهديك وهم يهديني
أطرد خوفك والجفا وكون أنت المغامر
ياترى مثل مني شاريك انت شاريني
هذا الشعور ينتابني في سري والظاهر
الغرام والشوق تراه منبعي وطيني
متغلغل بالحشا والقلب بيه زاهي وعامر
من تكون قبالي وتجي عينك بعيني
يسود جوي السكون والمشاعر تجاهر
بعد السلام الدفا من ايدك وايديني
شعور صعب الوصف بيه والغلا زاهر
نبضات لها صوت الرعد من الوتيني
وشلون لو ينشاف برقها وجمرها صاهر
كتبت لك هالكلام لأجل تشوف حنيني
أدري بيك صدت قلبي وعلمي صياد ماهر
غيرك يشوف كلامي عادي وهذا يقيني
يفز نبض قلبك وطيفي بجوك يكون ساهر
جيتك فقير بحرفي وغلاتك عندي تجيني
ان كنت صاحي قول تم وابشر بغلاك وحاضر
@عزالدين الحميري
ليست هناك تعليقات:
إرسال تعليق