لب وقشور:
في شي بالحياة اسمه لب وقشور
يبان صدق المشاعر والكلام من خلاله
سكة طويلة ودربها سهل وصعب المرور
ياشين حظ من خلص دربه وخسر مناله
نمشي بتأني وحذر بحكمة وبال صبور
يازين من عطر سيرته بأقواله وأفعاله
لايقول الواحد منا تراني مقيد ومأسور
الله عطانا عقل نفكر بيه سبحانه بكماله
خلك ياصاحبي للخير منارة وصبور
نوائب الدهر قاسية والفرج لابد يهل هلاله
دنيا فانية وماينفعك مال ولا جاه وقصور
خلك صافي النفس ومؤمن بالله والرساله
ماني من اللي يعطي مواعظ لأجل جمهور
يثني على كلامي يعجبهم وينال مناله
حرت هالساعة وأسرح خيالي بقول مأثور
مايعكر صفو النهر طين ويظل صافي زلاله
الحمد لله على فضله ونعمته الحال مستور
لساني يلهج بذكره وشكره وهذا هو حاله
صافي النفس وواثق بخطوتي ولا مغرور
هي ثقة بالله وطيب القلب بسيرته وخصاله
يتقلب احساسي بالصبح والليل وأنثر عطور
لأجل يتعطر منها هلي وخلاني ويبان جماله
شبيه الحال مثل مواسم العام برد وحرور
يتلون مسيري ويتغير بطريقه وأحواله
النهاية رحيل بلارجعة وسكن بالقبور
ليوم الحشر الموعد وياهنا من فاز ترحاله
@عزالدين الحميري@
ليست هناك تعليقات:
إرسال تعليق