في ذكرى تحرير سيناء / حبيبتي بقلم الرائع محمد وهبي الشناوي

في ذكرى تحرير سيناء الحبيبه

" سينين "

**********

حبيبتى ..

ياام الجدايل..

ورد وزتون

ياام الجبين..

بلون السما..

متحنى ومعجون

ياام العينين..

قناديل بتغنى..

و تمنى المشتاقين

ياام الشفايف..

واحده نار..

حارقه قلب صهيون

وواحده نور..

ونهاربيهدى..

ويدفى قلوب الملايين

ياام الحضن..

يساع الحب.. 

اللى ف كل الدنيا

يا سينين .....

حبيبتى..

ياام الايدين..

دايما جناحين حمام

ياام الصوابع..

سنابل حب..

تطرح ياسمين وسلام

ياللى قدها..

نخله طايله السما..

بتسابق الاحلام

ولاحد قدها ..

قدمها مادد جدرها..

من قبل الايام

ودا قلبها ..

من غير..

ولادها ف حضنها

ينسى المنام

ودا فكرها..

ضامم ..

عقول البشر

جواه

وقبلة الايام .....

**************

قلم ومشاعر :

( محمد وهبي الشناوي )