قالوا .لا طال بلح الشام ولا عنب اليمن
فين بلحك يا شام
فين اليمن وعدن
النخل انكسر ونام
وتاه بين المدن
اسقينى عنبك خلينى
ادفع معاك الثمن
ثمن الغربه والآلآم
وطفل فى البحر اندفن
ثمن سكوت الحكام
الكل فيها اتلعن
خيام ومرضى وايتام
واطفال تاهوا فى الطين
زرعوا الارض الغام
وفى كل شبر كمين
ارض العرب اتفرشت
جثث ودماء ومصابين
لا ليهم بدايه ولا نهايه
ليهم ربك بس معين
سلم لى على السلام
واللى فى الصوره بيتحضن
هو ده زمن الاعلام
هو ده زمن الفتن
كلمات/فتحى خود
ليست هناك تعليقات:
إرسال تعليق