رنة تليفون
من كل قلبى ومن التليفون
أضرب رقمها بشوق وجنون
ألو فى صوتها حنين وشجون
بترد روحى وتمحى ظنون
وكأن قلبى عصفورة
بيطير يهفهف بسهولة
وحرارة تسرى فى عروقى
تزيد لهيبى فى خدودى
والسلك يوصل أحلامنا
وصداه بيسعد أيامنا
كلامها شدو ولحن حنين
وصوتها نغمة فى عقلى رنين
كروان بيهمس وبإحساس
يسحر قلوب وعقول الناس
موجات تفيض كده فى عذوبة
واشاراته حلوة ومحسوبة
وصورتها واضحة ومحفورة
فى حسابى وادفع فى فاتورة
يا غزال برنة مع خلخال
بخطوة منك بتهد جبال
ارحم واعطف كده عالحال
بنظرة وبعاطفة وحنان
سهمك ده صابنى وأنا خيال
ووزنك دهب والطول أموال
بأحلم بطيفك يعدى خيال
وادوب بفرحة وشوق وهيام
رقمك ده كود يفتح للكون
برنة واحدة من التليفون.
مع تحيات الفقير الى ألله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق