ليس للحب ميعاد
***********
مغاوري كروش
***********
لما بييجي الحب
بييجي
بدون مواعيد
تلقاه عندك
راشق
جوه في قلبك
من غير زينه
ولا يوم عيد
واخد حضن الليل
والريح
يدخل دغري
ولايستني الاذن
ولا التصريح
يسرق منك
نظرة عينك
يخلف دايما
كل ظنونك
لما بيدخل
جوه القلب
القلب شويه بيتعب
لكن لما بيسكن
وبيتمكن
يبقي جميل
ومريح
انا عن نفسي
كل الويل جربته
وشفته
طير كل النوم
من عيني
لكن لما الفجر
بييجي
تحس بان في قلبك
حبه من التجريح
او بتحس بانك
عايش في التفاريح
عايش عمرك
كله جديد ف جديد
اصل الحب بييجي
فجأه بدون مواعيد
تلقاه عندك
راشق
جوه ف قلبك
من غير زينه
ولايوم عيد
************
مغاوري كروش
ليست هناك تعليقات:
إرسال تعليق