يوميات مرشد سياحى
=============
انهيت دراستى وكفاحى
واصبحت مرشد سياحى
ولغتى كانت ايطالية
لافراد ومجموعات سياحية
وحسيت بعزة وكرامة
لتاريخ بلادى وحضارة
ونشرت لى كتاب وسياحى
يوميات لمرشد سياحى
باحكى تجاربى اليومية
لمواقف عديدة وسياحية
وكان لى صاحب عالفيس بوك
ايطالى اصلى يحب يلوك
واسمه ماركو الرومانى
ولغته حلوة وعاجبانى
من روما بيتزا ومكرونة
بيحب مصر المحروسة
ودعيته مرة قام جانى
ورافقته وسمعته اغانى
وعلمته يعنى العربية
واكل فول مع طعمية
وبقى يجادلنى بعامية
ويقول لى عايز ملوخية
يقلش بخفة وفكاهة
بمصرية حلوة ولماحة
ويحب يسمع كده سومه
ويقول دى حلوة ومهضومة
وزورنا طبعا الأهرامات
رمز الحضارة والابتكارات
وقلت ياابن الايطالية
شايف العمارة المصرية
هنا التاريخ فى الجبانات
هنا العراقة والحضارات
واصر يركب برضه جمال
وسبحان مغير حال عن حال
لبس فى راسه يعنى عقال
وقال لى انا بدوى ورحال
وكأنه هنا لسنين وايام
مع الفراعنة منذ زمان
وقلت له ده هرم وعظيم
بنوه بدقة فراعنة جيل
واسمه يعنى هرم خوفو
سياح بتيجى وتشوفوه
ملايين حجارة وجيرية
رفعوها بدقة وحرفية
من العجائب العالمية
رمز الحضارة المصرية
الاف سنين ثابتة وشاهدة
وعصور توالت فى مشاهدة
وهبوها لحياة ابدية
وفيها الكنوز الفرعونية
ويا ميت خسارة الحرامية
نهبوها خلسة بحرفية
والتانى برضه ده لخفرع
بناه بدقة وكان أسرع
حلف ده يبنى جنب ابوه
وكنوز ده هرمه كمان سرقوه
وهرم صغير لمنقرع
فرعون حفيد آخر ورع
وكساءه احمر جرانيتى
تصميم مهارة وتخطيطى
وننزل لمعبد الوادى
فخر الحضارة لاحفادى
كتل ومبنى من الجرانيت
وكان مخصص للتحنيط
أطنان رهيبة جلبوها
أسوان مكانها وقطعوها
ازاى يا ربى كده بنوها
بهندسة وزاوية حطوها
وطريق و صاعد كده على طول
يوصلنا لاقدام أبو الهول
نحتوه بدقة وجابوا الجول
جسم الأسد قوة فرعون
ورأس فكر وحكمة يوم
رمز الحماية الكونية
وشاهد لعظمة فرعونية .
واحرجنى فجأة كده بسؤال
ايه اللى غير حال عن حال
احترت فى اجابتى فى الحال
وقلت الحضارة تاريخ ومثال
ساعات بتبقى يمين وشمال
دورة ودايرة تهد جبال
لكن اصولها أساس أجيال.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق