من يجي الشوق:
شبهت غلاك عندي من يجي الشوق
غيمات تحمل مزن وقلبي هو مصبها
ولا الحنين والغرام طيفها لي يسوق
شبيه نار ودلال تغلي من جمر حطبها
لاتقول مقصر معاك ولي عندك حقوق
تراني متواصل والمشاعر دوم بخضبها
لاني بياع كلام ولاتاجر سلعة بالسوق
القلب صافي شبيه الخيل وشوقها لعربها
نبت الغلا بالدم وسرى في مجرى العروق
العين والقلب والحشا وكل الأعضاء سلبها
لاتخلي الظنون تأخذ لبعيد ومنها تذوق
ناتج حساباتك اطرح منه الشكوك ودربها
وافي في وصالك برمش العين والخفوق
كل الأشعار والأغاني انت لحنها وطربها
يظل نور وجهك ضاوي وعليك انت تروق
شبيهك الشمس من مشرقها ومغربها
طقوس الوصال والمحبة تبي لها رفوق
أولها عذر الغياب وتاليها ساعة اللقا وقربها
ماهو سهل هالوصف في الحال وبيه فروق
عليك تميز بين المشاعر وصدق من وهبها
ماعاد عندي كلام ونشف حبري وصار طوق
حول حروفي والنهاية بريقها انت ذهبها
@عزالدين الحميري@
ليست هناك تعليقات:
إرسال تعليق